الأحد، 13 مايو، 2012

أهل أسوان

إذا أردت أن تقول أن قيمة مصر لا تتمثل فى تاريخها ولا مقوماتها الطبيعية والجغرافية ، وإنما تتمثل فى قيمة شعبها وطيبة أهلها

 ، فأنا أكبر الجائرين إن لم أقل لك أن أهل أسوان هم أهم مقومات مصر ، وقيمتها الحقيقية !!!!!!!!!!!!!

طيبة لا تراها ، وحسن خلق لا تعهده ................

ربما هى الطبيعة الخلابة ؟!!!!!!!!!!

ربما روعة وجمال نهر لا تراه إلا هناك ؟!!!!!!!!!!

ولكنى لا أظن ذلك ، فالكثير من البلدان قد رزقت الجمال وجرد أهلها حتى من صفات الإنسان !!!!!!!!!!!

أظن أنها الفطرة التى فطر الله الناس عليها ، فلم تفتنهم زخارف الدنيا ومباهجها ، ولا يؤثر على عقولهم إعلام فاسد قد ضلل غيرهم ..............................

، ولم يصبهم الغرور بما يملكون ، ولا الجزع مما يفقدون ..........................

يزرعون فى أرضهم الحب والفضيلة ، فهل تتوقعون أن يخرج لهم الشوك والحنظل ؟!!!!!!!!!!!!   

السبت، 12 مايو، 2012

الأقصر

كل شبر فى البلد حتلاقى أثر ...................

الحقيقة - والحقيقة دى غير بصراحة - لا يستهوينى حكاية الأثار دى ‘ ومبيدخلش فى دماغى وأنا بشوفها عظمة البناء والطرق الهندسية والكلام ده !!!!!!!!!!!

أهم حاجة عندى المنظر الجمالى ، لو حلو يبقى الأثر ده فلة !!!!!!!!!!!

وعلى رأى واحد صاحبى الفراعنة دول كانوا فاضيين ، أكيد لو كان عندهم بلايستشين عمرنا م كنا شفنا منهم حاجة !!!!!!!!!!!!

فى الأماكن السياحية تلاقى كتير عايزين يبيعولك تمثال ، خريطة ، صور ، أى حاجة المهم تشترى ، ويقعد يجروا وراك ولما تقف تشوف حاجة ، يعاملك أمر من السياح ............... ، ويا ويلك يا سواد ليلك لو مشترتش حاجة ، يقعد يسب ويلعن فى المصريين ، ويحلف تلاتين طلاق إنه معدش حيفرج مصريين تانى على بضاعته ، ....................... ، ويقابلك وإنت خارج برضه يوريك ، ويرفع أيمنة الطلاق إلى ستين !!!!!!!!!!

البلد جميل ، والجو رائع ، وبعض مناظر الأثار لا أجد لروعتها وصف ، ويشوه كل ذلك مجموعة من البلهاء !!!!!!!!! 

الجمعة، 11 مايو، 2012

عروس البحر

م صدقت لاقيت إعلان عن رحلة بعد خنقة إمتحانات كليتنا الكئيبة ، ومش أى رحلة دى لإسكندرية ويوم واحد يعنى حأغير جو ومفيش عطلة .......................

واللى شجعنى أكتر إن الرفقة كانت طيبة ...............

وبصراحة - وأى حد يقول بصراحة يبقى بيكدب - أنا كنت حأموت وأدخل مكتبة إسكندرية بس ، ومفكرتش فى أى حاجة تانية .......................

وكالعادة أنا كنت عايز أشوف الكتب وألف فى أجزاء المكتبة ، وأقضى أكبر وقت ممكن فيها فى حين إن الناس معى كانوا بيتصوروا ، أنا مبلومهمش م هى فعلاً صرح عظيم بس كنت بأمل نهتم بالمضمون شوية !!!!!!!

وزى م توقعت مقعدناش فى المكتبة غير ساعة يعنى يادوب ع بال م الرجالة اتصوروا !!!!!!!!

ورحنا القلعة والشط وأكلت حمص الشام - أو شربته - وأيس كريم من عزة ..................

فى الأغلب كانت رحلة حلوة ..............

والأهم إنى عرفت إن كلام أهل إسكندرية - إنهم بيحبوا بلدهم أكتر من أى بلد وبيرجعولها مهما بعدوا - كلام بجد مش زى م كنت فاكر إنه مجرد كلام زى اللى شرب من ماية النيل والكلام اللى مبيأكلش عيش ده !!!!!!!!!!!

إسكندرية فعلاً تستاهل تكون عروس البحر ، تستاهل إنى أرجع أزورها مرة تانية ................

الخميس، 10 مايو، 2012

أخى لا تمل بوجهك عنى

هل تعلم كم أحبك ؟!!!!!!!

هل تعلم كم أدعو لك بظهر الغيب ؟!!!!!!!!!!

، وأعلم منك ذلك !!!!!!!!!!

فلما تمل بوجهك عنى ؟!!!!!!!!!!!

نعم أخطأت .........................

نعم أذنبت .....................

الشيطان وسوس لى , وغرتنى نفسى الأمارة بالسوء ، وغرنى ستر الله المرخى على !!!!!!!!!!!

وأستغفر الله وأتوب إليه ، وأسأله سبحانه ألا يردنى إلى ذلك .................

ولكن كيف أحتمل الدنيا بدون إخوتك ؟!!!!!!!!!!!

، بدون نظرة الأخوة فى عينيك ؟!!!!!!!!!!!!

وهل رأيت أحداً كاملاً مبرءاً من كل عيب ؟!!!!!!!!!!!

إنصحنى وواجهنى ولا تتركنى .......................

أكثر من اللوم والعتاب ، ولا تصمت فتذبحنى ....................

إدعو الله أن يغفر لى ويهدينى ....................

وأعلم دائماً أنى أحبك .