الاثنين، 12 نوفمبر، 2012

نفسى نسكت


كل البلد دلوقتى شغالة خبير إستراتيجى
وناشط سياسى وحقوقى
ومفكر إسلامى
ومدرب تنمية بشرية
الكل بيتكلم فى كل حاجة 
مش مهم أبداً إنك تكون بتفهم فى أى حاجة 
المهم يكون ليك كاريزما كدا
وشعرك منكوش
ولابس نضارة
وشتمتلك خمس ست شخصيات عامة
وكام جرنال على توك شو إتكلموا عنك 
مبروك
أنت من النخبة !!

والله كنت واخد عهد على نفسى 
أسكت فترة كبيرة 
أستجم فيها 
بعيد عن السياسة والمشاكل 
بس سبحان الله تلاقى ناس كدة غرضهم الوحيد إنك متبطلش كلام
م هو لو إنت بطلت حيشتموا فى مين ؟!!
وبعدين ده باب رزق وسبوبة حلوة
ولو مفيش فلوس ف إحنا أهه ثورجية ومعارضون ونضاليون 

أقرب مثال 
قصدى مهنة 
خبير دستورى 
الدستور ده بيمهد لفرعون جديد
هو حضرتك قرأت المسودة ؟
طب حضرتك قرأت دستور واحد وسبعين ؟
قرات الدساتير اللى إتعملت لمصر قبل كدة ؟
قرأت أى دستور لأى دولة وشوفت صلاحيات الرئيس؟
م هو مش لازم أقرأ عشان أعرف الإخوان عملوا ايه 
فعلا ده حتى القراءة غلط على الصحة
أنا لا أدافع عن دستور ولا إخوان ولا أى حد
أنا نفسى نسكت
مش عيب تقول مبفهمش فى الحتة دى
مش عيب ندور على حد نتعلم منه
ولا إننا نثقف نفسنا الأول وبعدين نتكلم 
يا ريت نسكت   

هناك 14 تعليقًا:

  1. السلام عليكم
    كلامك صح
    لكن ما تتعبش نفسك
    احنا عندنا اعلام ما بيحسش
    وكمان النكبة المثقفة مابتحسش
    ربنا يحرق نايل سات 6 شهور عشان مصر ترتاح

    ردحذف
    الردود
    1. وعليكم السلام ورحمة الله وبركاته
      أنا تعبان جاهز ف قلت افضفض بس شوية
      والنايل سات ملوش ذنب اهو من فلوسنا فى الأخر
      نورت

      حذف
  2. والله يااخى الكريم انت قلت تقريبا اللى اناكتبته فى مشاركة لى اليوم بجد نفسى نسكت تحياتى اليك

    ردحذف
  3. عندك حق والله كلنا بنول كده الشعب المصرى بطبعه كده عامل زى ما يكون ما بيصدق يتحرر هههههههه نساله سبحانه ان يصلح الامور للافضل

    ردحذف
  4. أنا نفسى نسكت
    مش عيب تقول مبفهمش فى الحتة دى
    مش عيب ندور على حد نتعلم منه
    ولا إننا نثقف نفسنا الأول وبعدين نتكلم
    يا ريت نسكت

    عندك حق
    بس تقول لمين
    تقريبا بقينا مش بنسمع غير صوتنا بس

    تسلم ايدك

    ردحذف
  5. السلام عليكم...
    لن يسكتوا!!!
    لسبب مهم جدا تفضلت وأشرت إليه هنا، وهو أن مجرد الكلام "سبوبة"، فما بالك لو أتى هذا الكلام بنتائجه المرجوة من تأليب نفوس المشاهدين على البلد وعلى كل من يحاول أن يصلح؟
    إذن فهي ليست مجرد سبوبة مادية وخلاص..
    لا
    دي سبوبة مادية ومعنوية وسياسية وملوخية ومهلبية كمان!!
    تحب أغرفلك؟
    ...
    التوقيع: مواطن مفقوع!

    ردحذف
    الردود
    1. وعليكم السلام ورحمة الله وبركاته
      عندك حق
      بص هو لو ملوخية أن ضعيف قدامها :)
      بس لو كوسة أو قرع أنا شبعان
      التوقيع : مواطن عمره م ح ييأس

      حذف
  6. مساء الغاردينيا مسلم مصري
    وحين يكثر الحديث تتوه الفكرة
    وبين البلبلة يضيع الصدق "
    ؛؛
    ؛
    حفظ الله مصر من كل مكروة
    أستاذي لم أجد في مدونتك أيقونة متابعه ؟
    لروحك عبق الغاردينيا
    كانت هنا
    reemaas

    ردحذف
    الردود
    1. مساء الخير أخت ريماس
      أنا مكنتش اعرف إن فيه حد عايز يتابع :)
      نورتينى

      حذف
  7. في ناس بتستكبر تقول مااعرفش
    وفي ناس لما انت تقول لهم مااعرفش يعتبروك جاهل وكأن الانسان لازم يعرف كل حاجه في اي حاجه
    واحده جاتني المعرض وكانت عايزة حاجات فافي منهم حاجه جديده مااعرفهاش
    فالما قلت لها مااعرفش الحاجه دي حاضر هشوف مصادرها فين وبتتعمل ازاي
    استغربت جداااااااااا
    واعتبرتني مش شاطره في مهنتي مع اني لما دورت عليه لاقيت ان دي حاجه لسه جديده ومستورده كمان
    :)))

    ردحذف
    الردود
    1. شغلينى معك فى المعرض وأنا اعرف الناس دى الأدب
      إستغلالى موت :)
      نورتى

      حذف