الاثنين، 19 نوفمبر، 2012

الدويقة


وأنا نايم فى الغيبوبة 
من حادث مجلس شورى

مش عارف دى كهربا 
ولا حتى دى أنبوبة

جانى مرسال وقالى
الحق حادثة فى الدويقة

قولتلو إيه اللى حصل تانى
أصل أنا زهقت وراسى وجعانى

قالى صخرة وقعت على الناس
قوم بقى ومتبقاش أنانى
ساعد إخوانك ويبقى نام تانى

قمت على السرير وقلت فى بالى 
أنا عمرى م كنت أنانى

رحت الدويقة ..... وشفت الدويقة
ويا ريتنى ما شفت الدويقة

ناس ميتة وبيوت متهدمة واللى بيبكى
واللى بصرخ واللى بيقول حرام كدة

ويا ريتنى شفت مسئول
ولا حتى حد معقول

وقلت فى بالى حتى لو فيه مسئول
ح يعمل إيه من غير حلول

وعشان يجيب حلول
يشكل لجنة من علماء فحول

وعلى بال م تيجى الحلول
كان الدنيا عطول فى عطول

وم تحركش المسئول إلا بأمر الرئيس
بناءً على طلب الجمهور

قالو مات 49 ... لأ.... خمسين
قلت ولسة طول م إحنا نايمين

ح نلاقى كل يوم ميتين
مش كفاية العراق وفلسطين

وزاد عدد الميتين
أصبحوا 70 ..... لأ ....80
مش عارف أعد من كتر الميتين

قالوا ح ندى كل واحد شقة تعويض
قلت ببساطة كدة من غير تعقيد !!

واتمنيت ده يحصل ... ده شئ فريد
واللى حسبته لقيته من التعقيد والتقعيد

قليل خدوا الشقة
والباقى منتظرين مدة إيد

مش كفاية اللى حصل لهم 
ولا ذنبهم إنهم مساكين

دلوقتى  مستقبل أولادهم
مش أحسن من الطين

ومهما عدت ومهما قلت
محدش عارف إحنا بنكلم مين

وقال عاملين نفسهم فاهمين
فى احتياجات المساكين

وبكرة ننسى اللى حصل
ومنبقاش فاكرين

وننام ونصحى على كارثة تانية
وموت بنى آدمين

أنا خلاص زهقت من الكتابة 
يا ريت حد يسمع ويساعد المحتاجين

كتبت عقب أحداث الدويقة وما أشبه اليوم بالبارحة 

هناك 4 تعليقات:

  1. ياريت حد يسمع ويساعد المحتاجين
    لا قولهاترا من بعدك بقى ضائعين
    هذا حال الغلابه من يومهم جيعانين
    لامسؤل ولا ساسه والأغلب نعاج مذبوحين ....
    كلمات في غاية الروعة وقمة التصوير
    الإبداعي باحساسك السلس الألق ..
    أرق التحايا قلبية
    أبـســنـت الحجي
    ياليت تكتب عن أخر أجتماع
    للوزراء العرب من أجل غزة
    هذا طلب شخصي

    ردحذف
    الردود
    1. متشكر جدا على ذوقك
      يا ليت أستطيع أن أكتب
      لو تلاحظى إن ده من زمان
      معنتش قادر أكتب ولا حتى أسمع
      بس أوعدك أول م ح أكتب شعر تانى
      حيكون إهداء لحضرتك
      نورتى

      حذف
  2. يارب ارحمنا من الحوادث دى ومن الناس اللى بتموت من غير ذنب
    كتبتها بطريقة عفوية ورقيقة اوى

    ردحذف