الأربعاء، 26 ديسمبر، 2012

الثانوية العامة


قالوا ثانوية عامة ( * ) 

عامة إيه وخاصة إيه

مالها الزراعية والتجارية والصناعية

أقصد يعنى الدبلومات الفنية 

إن جبت 90% يقولوا ساقط ثانوية 

وفى الفنية لو جبت 60% أخش بيهم كلية 

مذاكرة ليل نهار وحال ميئوس ودروس خصوصية

وفى الأخر المجموع طين%

وبتاع الفنية طول النهار فى البلياردو والمزاج مية المية 

قدامه وظيفة حرفية وممكن ياخد كلية 

وإن نجح بتاع الثانوية بالحفظ مش بالمفهومية 

يا ريت يلاقى كلية مجموعها قليل شوية

مش ممكن تكون عسكرية دى عاوزة واسطة ومحسوبية 

ويتخرج من الكلية ويستنى وظيفة حكومية 

وأبوه يندم ويقول يا ريتنى دخلته فنية

ما قلنا من الأول الحكاية كلها ثانوية 

..........................................................
( * ) كتبت فى مايو 2006 فى عز محنتى فى الثانوية حيث مجمع مدارس فنية وثانوية متاخم لها عدد من صالات البلياردو :)


هناك 7 تعليقات:

  1. وعدت الثانوية وبقت الكلية ^_^
    بجد رغم اني كنت بكره الثانوية بس كانت أيام جميلة
    بس حلوة الكلمات
    أيام 2006 ..90 دي حاجة كبيرة دلوقتي اختي جايبة 96 وحاطين ايدينا ع قلوبنا وربنا يستر .

    ردحذف
    الردود
    1. اه والله بعد م عدت لاقيتها كان حلوة
      لااااا
      ده أنا كنت جايب فى تانية 93 ومكنتش عارف اعمل ايه بس ربنا وفقنى فى تالتة الحمد لله
      ربنا مع اختك واهم حاجة ريحوها نفسيا
      نورتى

      حذف
  2. عندك حق مافيش بيت والا يعانى الامرين من هذه الثانوية

    ربك المستعان بقى مالناش غيرة مع انى مش فى الثانوية هههههه
    مساؤك هنا وسعاده دايما
    مودتى

    ردحذف
  3. انا اخدت الثانوية العامة من برة وبصراحة ماحستش بيها وكنت بذاكر عادى بس بااهتمام شوية والحمد الله جبت مجموع حلو وكنت بسمع من اقاريبى خوف الثاوية العمة وكنت بستغرب بس لما نزلت على مصر وشفت الحقيقة المرة حمدت ربى الف مرة انى اخدتها من برة
    اللى مخلى الناس تخاف من الثانوية العامة نظام التعليم اللى اكثر من فاشل فاشل فاشل
    مافيش مدرسة وكلة دروس خصوصية يعنى يخلوا اللى بيحب المذكرة يكرها
    ربنا يتوب على البلد دى باه وينصلح حالها فى التعليم والصحة

    ردحذف
    الردود
    1. ربنا حيصلح حالها بإذن الله
      نورتى

      حذف