السبت، 29 ديسمبر، 2012

أحلام أظنها بعيدة


نفسى ألف مصر كلها 
محافظة محافظة
نفسى أروح سيوة والسلوم
والداخلة والخارجة 
وحلايب وشلاتين 

وفى كل مكان أروحه
أصلى فى مسجد جامع
وأكل أيس كريم من محل مشهور
كل مرة بطعم مختلف
وأروح مكتبة أشترى كتاب 

وفى كل مرة أكتب فى مفكرتى
إسم المسجد 
وتقييمى للأيس كريم من A إلى D
وعنوان الكتاب 

نفسى أبقى بطل أوليمبى 
مش مهم فى إيه 
المهم ميكونش مصارعة يابنية
لأنى شايفها قلة أدب مش رياضة

نفسى أحب واحدة زى القمر
أو على الأقل أنا شايفها كدة
وأنقج ونمشى فى الشارع من غير خوف
لأنها مراتى 

نفسى أقدر أساعد أخى الصغير
إنه يتجوز قبلى البنت اللى بيحبها
وإنى أعمل أى حاجة 
أى حاجة لأبى وأمى 

نفسى أحج أو أعتمر
نفسى أموت وربنا راضى عنى
والناس تفتكرنى بالخير 
وتدعيلى بالرحمة 

هناك 19 تعليقًا:

  1. مفيش احلام بعيده عن ربنا ..هيا يمكن لسه وقتها مجاااش
    ..بس ان شاء الله ربنا يحققلك ايلي تتمناه ويكرمك امين يارب العالمين

    ردحذف
  2. نفسك ونفسك ونفسك الله دى النفس الليى تودى صاحبها الجنه
    كل امنيه من امنياتها تتقل ميزان الحسنات
    ربنا يحقق لنفسك الطيبه كل ما تتمنى وتكون ابن بار واخ حافظ لصلة رحمه
    خالص دعواتى بالتوفيق ( ربنا يفرح نفسك وقلبك ويرضى كل الرضا عليك )

    ردحذف
    الردود
    1. رسالتك وصلت
      نعوذ بالله من طول الأمل لكن الواحد أحيانا الدنيا بتسيطر عليه
      جزاكم الله كل خير
      نورتى

      حذف

  3. ربنا يحققلك كل أحلامك وأكتر مما تمناه ( باللى يرضيهولك ربنا )

    ردحذف
  4. السلام عليكم...
    أسأل الله أن يمن عليك بتحقيق كل أحلامك.
    آمين~~

    ردحذف
    الردود
    1. وعليكم السلام ورحمة الله
      جزاكم الله خيرا
      نورت

      حذف
  5. كل سنه وانت بالف خير
    ومحقق كل احلامك
    وعجبني جدا
    كلمة او انا شايفها كده
    هنا هتكون حبيت بنت مش زي القمر
    روحها هي اللي زي القمر
    وده الحب اللي بيعيش
    :))
    بس ايه علاقة المساجد بالجيلاتي
    :))

    ردحذف
    الردود
    1. جيلاتى :))
      تصدقى الكلمة دى وحشانى
      بصى هو مفيش علاقة أنا لما باحب أروح أى مكان
      باحب أعرف المساجد والمكتبات ومحلات الايس كريم :))
      نورتى

      حذف
  6. بجد حبيت مدونتك من أول ما دخلتها , حسيت انى بتكلم مع حد زيى كده , ويبدو ان كلامك على ابواب مدونتى فعلا صح ان احنا بنتشابه فى حاجات كتير .
    انا برده نفسى الف محافظات مصر محافظه محافظه واصلى فى جوامع مختلفه وان كان ده انا بحاول اعمله فعلا , ونفسى احج واعتمر واسافر بلاد كتير واموت وربنا راضى عنى

    بجد سعيد انى هنا
    كل سنه وانت طيب ,

    ردحذف
    الردود
    1. أنا ليا الشرف يا حبيبى والله
      وفى إنتظارك دائما
      نورت

      حذف
  7. بجد احلام كلها جميله أوى و مفيش حاجه بعيده علي ربنا قرات الموضوع ده قبل كدهبس لما قراته تانى فهمت حاجات كتير . لعلك ترضي

    ردحذف
    الردود
    1. ربنا يحقق لنا ما يرضيه عنا
      يا ريت تفهمينى فهمتى إيه أصلى دماغى تخينة شوية :)))

      حذف
  8. قرأت الموضوع اول مرة قبل حوالي شهر وقراته تانى مرة بالامس لعلك فهمت الآن ما اعنيه

    ردحذف
    الردود
    1. اللى فهمته إنك قرأتى الموضوع مرتين
      ولم أفهم قصدك بالحاجات الكتير :))

      حذف
  9. عموما الحاجات الكتير دى معرفتها مش هتفرق كتير خاصة دلوقتى .

    ردحذف
  10. بس فعلا الكتابة تقدر تعبر عن حاجات كتير إحنا ممكن منقدرش نقولها

    ردحذف