الخميس، 6 ديسمبر، 2012

لبث :))


الحمد لله 
الحمد لله كما ينبغى لجلال وجهه وعظيم سلطانه 
الحمد لله عدد خلقه ورضا نفسه وزنة عرشه ومداد كلماته

شعور غريب 
مش زعلان 
مش فرحان
يمكن خايف
معرفش
بس أعتقد اللى حواليا هم اللى ولدوا الشعور ده جوايا
من أول أصحابى اللى دخلوا قبلى اللى كانوا بيدعولى أطلع
رغم إنهم بيأكدوا إنه بقى جيش سوسن :))
لعند الست الكبيرة اللى على باب منطقة التجنيد 
حاجة لله يا أبنى ربنا ما يكتبلك عيش فيها !!
ودائماً ما كنت أرد 
ما يمكن الخير فى الدخول يا جماعة 
اللى يكتبوا ربنا هو أكيد الأفضل 

وعندما رأيت الفرحة بتحرير القدس فى أعين الخارجين !!
والنكبة والدموع فى عيون الداخلين 
تولد ذلك الشعور !!
رغم أنى وطوال حياتى لم أحسب أنى سأخرج
وأصبحت المعركة الأن هل سينادى علي 
جند مجند
ولا حا الظابط :)
اوعوا تفتكروا إنى معترض ولا حاجة 
لا سمح الله :))
بس الحكاية وما فيها لو لبست ظابط 
يبقى الدخول فى شهر أربعة 
يعنى بالصلاة على النبى سنة كاملة قاعد فى البيت

وفى النهاية
أحب أوجه رسالة لأى واحد هتسول له نفسه ينزل يتظاهر 
مش حأرحم حد 
وحكاية الجيش والشعب إيد واحدة دى ولا تفرق معايا
أنا اتقطعت قبل كدة فى العباسية :))
وأى واحدة حتنزل تتظاهر يا ريت متنزلش بعباية بكباسين :))
أما بالنسبة للكيان الصهيونى المسمى بإسرائيل
أنا دخلت الجيش 
أظن كدة الرسالة وصلت :)) 

هناك 10 تعليقات:

  1. ربنا يستر ع اللي هيتظاهر بئا ..!
    هو يعني ممكن يكون الجيش مش ف القاهرة أصلا..
    ربنا ييسر لحضرتك كل الأمور ع العموم

    ردحذف
    الردود
    1. مالك واخدة الموضوع جد ليه
      هو مش واضح إنى بهرج ولا إيه ؟
      ع العموم نورتى :)

      حذف
  2. تخرج بالسلامة ان شاء الله

    ردحذف
    الردود
    1. الله يسلمك
      متشكر قوى
      نورتى

      حذف
  3. هههههههههههههه والله ضحكتني يالا معلش الحمد لله علي كل حاجه..
    وبعدين مش انت لوحدك ايلي لبست

    ردحذف
    الردود
    1. كويس إنى ضحكتك :)
      انا مش زعلان والله
      نورتى

      حذف
  4. ههههههه....الرســـالة وصلت
    تخرج بالســلامة ربنا يحفظكم

    ردحذف
    الردود
    1. الله يسلمك
      جزاكم الله خيرا
      نورتى

      حذف
  5. هههههههههه
    ماشاء الله واضح ان حضرتك مش منفسن خالص يا فندم

    ردحذف
    الردود
    1. منفسن من أنهى إتجاه ههههه
      اوعى تفهمى غلط العباسية مع حازمون مش الفلول :)
      نورتى

      حذف