الأحد، 20 يناير، 2013

إلى اللقاء أو الوداع :)


فى ظل هذه المرحلة العصيبة من تاريخ البلاد

أكد العقيد أحمد على المتحدث بإسم القوات المسلحة 

أن الفريق عبد الفتاح السيسى قد صرح 

" أنه لا خوف بعد اليوم وأن إنضمام مسلم مصرى إلى الجيش قد عزز من قوة الجيش العسكرية حتى أصبح القوة الأولى فى العالم "

طبعا ده كله كذب ومكع - مرادف الفشر - :)) 

اللى حقيقى فعلاً إنى 

بإذن الله تعالى سيتم ترحيلى إلى معسكر التدريب غداً أو بعد غد

وبالطبع سأتوقف عن التدوين 

وسأكتب لكم فى أول إجازة لى إن شاء الله 

ده إن ممتش فى القطر وأنا رايح

ولا انتحرت فى التدريب من سوء المعاملة

ولا طلعونى اتقتل على الحدود

ولا نزلونى الشارع أموت بملوتوف أو خرطوش

أنا غريب صحيح !!

يعنى ما ممكن أموت عادى دلوقتى وأنا بأكتب :)

أسألكم الدعاء

وإن لم يكتب لنا اللقاء ثانية 

إدعو لى بالرحمة والمغفرة وتذكرونى ولو بخير قليل

وجزاكم الله خيرا


هناك 18 تعليقًا:

  1. السلام عليكم
    ربنا يحميكم ويحفظكم من كل ســوء إن شاء الله خير وتعود لأهلك بالســلامة
    بالتفاؤل وتجديد النوايا والتوكل على الله إن شاء الله تقضى أيام كلها خير وتنتفع بها..
    وفى انتظار تدوينات حضرتك فى الإجازة بإذن الله.

    ردحذف
    الردود
    1. وعليكم السلام ورحمة الله وبركاته
      جزاكم الله خيرا وأحسن الله إليكم
      نورتى

      حذف
  2. ربنا معاك
    فى أمان الله

    ردحذف
  3. ربنا معاك يا فندم وان شاء الله تعود سالما غانما

    ردحذف
  4. السلام عليكم...
    أخيرا... حننتصر :)
    أسأل الله أن يحفظك ويعيدك سالما.
    وبانتظار يومياتك كلما سمح الوقت، لكن حذار من إفشاء أسرار عسكرية كلنا عارفينها... هههه
    نصيحة:
    حاول تكبر دماغك على قد ما تقدر.
    تحياتي ودعواتي..

    ردحذف
    الردود
    1. وعليكم السلام ورحمة الله وبركاته
      والله كبرت جدا ويا ريت عدت بدون تكدير :)
      ادعيلى بقى الفترة اللى جاية تعدى على خير
      جزاكم الله خيرا

      حذف
  5. ان شاء الله ترجع بالسلامه
    وجيشنا فعلا افضل جيش
    بالتوفيق دايما

    ردحذف
  6. تروح وترجع بالسلامة ان شاء الله ربنا يعيتك على الايام اللى هتشوفها هناك
    سبحان الله فى نفس الوقت كان خطيبى رايحها ودلوقتى خلاص قرب يطلع اهو ....ناس لسة داخلة وناس خارجة
    ربنا معاك

    ردحذف
    الردود
    1. جزاكم الله خيرا
      وكفارة لخطيبك :)

      حذف
  7. اخى مسلم تروح وترجع بالف سلامة لوالديك وفعلا الاعمار مكتوبة بس بنحزن لما نلاقى اخوتنا يموتوا فى قطر او الحدود او بملتوف لاننا بنحس بالقهر ربنا يسلمك انت وكل شباب مصر وننتظر عودتك وطلتك على مدونتى ان شاء الله

    ردحذف
  8. ربنا معاك يا- وإسمحلي - دفعة!
    ربنا معاك ويحفظك ويحفظ كل اخواتنا اللي في الجيش في كل مكان.
    وتروح وترجع بألف سلامة بإذن الله.

    ردحذف
    الردود
    1. دفعة بس قول يا باشا اللى يريحك
      جزاكم الله خيرا

      حذف