الثلاثاء، 30 أبريل، 2013

الحب


الحب زى مسابقة
عاملاها شركة حاجة ساقعة أو مسحوق غسيل 
فيه ناس تقعد تشترى كراتين وصناديق
ومتكسبش أى حاجة
وناس تانية تشترى قزازة 
لمجرد إنه معه جنيه فكة خايف يقع منه
فصرفه إستخصار .......... وكسب !!!
.........................................................
الحب زى التدخين 
لو مبدخنش مبطقش ريحة السجاير ولا اللى بيدخن
وتبص على المدخنين على إنهم فئة مش تمام
ويشاء ربنا إنك تدخن 
وتصبح ريحة السجاير أفضل برفان تشمه
وتبص على غير المدخنين
وتقول هم إزاى عايشين من غيرها ؟!
حتى لو نويت تبطل 
بتحاول تنسى وتبعد عن كل شئ له علاقة بالتدخين 
وبتملى جيوبك لب وسودانى وبنبونى عشان يلهيك
بس بتيجى عليك أوقات نفسك مش فى نفس
لأ ، فى ريحة الدخان !!
عشان كدة كتير قوى بيرجعوا مرة واتنين وعشرة
وناس كتير بيفتكروا ده بسبب دماغه !!
لأ ، ده لأن قلبه اتعلق بيها
وصوابعه وشفايفه معدش ينفع يقفلوا إلا عليها
واللى بيثبت بجد 
مش شطارة منه 
ده عشان ربنا ثبنه 
فيا رب ثبتنا ولا ترزقنا إلا الحلال 
وإن طال بنا الحال فلا شئ عندك محال :)

هناك 4 تعليقات:

  1. السلام عليكم...
    جميلة كلماتك، مع اعتراضي على تشبيهك الحب بالسجائر، لسبب واحد فقط أنني من أنصار الحب ومن أعداء السجائر!!!
    ع العموم سعيد بعودتك.
    خارج الإطار/ إنت وقعت ولا إيه؟!؟!؟
    ههههه
    تقبل تحياتي...

    ردحذف
    الردود
    1. وعليكم السلام ورحمة الله
      هى الفكرة فى وجه الشبه مش أكتر
      خارج الإطار / هو حد لسه له نفس يقع :))
      ربنا بس يعدى الفترة دى على خير وبعدين يبقى نقع براحتنا :)
      نورتنى

      حذف