الثلاثاء، 3 سبتمبر، 2013

كاندى ( 31 )


مصطفى :
              كاندى رجعتلى يا حودة :)
             على قد ما أنا مبسوط على قد ما أنا مرعوب أكتر من الأول إننا نسيب بعض تانى !!

محمود : 
           على الرغم إنك ما سمعتش كلامى ورجعتلها 
           إلا إنك صاحبى وأخويا وأهم حاجة عندى إنى أشوفك فرحان
          عشان كدة حأنصحك نصيحة 
          إكدب

مصطفى : 
             أكدب إزاى يعنى ؟!!

محمود : 
           إنت صريح قوى يا مصطفى وصادق ودايماً بتحب تتواضع وتقلل من شأن نفسك
           وده صدقنى البنات مبتقدروش 
          البنت عايزة الولد اللى يعيشها فى حلم وردى 
         من الأخر يعملها البحر طحينة 
         شاطر فى الكلام ، يعرف يلفها فى كلمتين
        ويبين إنه البطل الهمام اللى مفيش منه اتنين
        حتى لو منفذش أى شئ من اللى بيقوله !!

مصطفى : 
              بس إنت عارف يا صاحبى إنى مبعرفش أكذب !!

محمود :
           عارف يا سيدى
           بس لازم تتعلم الكلام
          إكدب كدب رايق بمعلمة وحرفنة
         على شوية كلام رومانسى حتلاقيها خاتم فى صباعك

مصطفى : 
             والله أنا ما عارف من غيرك كنت عملت إيه ؟!!

محمود : 
           كنت غرقت طبعاً :))

هناك 10 تعليقات:

  1. قولى ولو كذبا كلاما ناعما

    مالوش لزمة الكدب على فكرة :)

    ردحذف
    الردود
    1. أنا متأكد إنه ملوش لازمة
      بس فعلا النساء عموما كدة
      تحب اللى يا كل بعقلها حلاوة :)
      نورتى

      حذف
  2. جميلة جدا وهادفة تحياتي

    ردحذف
    الردود
    1. جزاكى الله خيرا
      نورتينى والله :)

      حذف
  3. بالعكس انا اختلف معك ان النساء يرضيهم الكذب بل ارى ان كذب الرجل ذهبت رجولته

    ردحذف
    الردود
    1. يعنى لو كذبت المرأة ذهبت أنوثتها :)
      هو الكذب كذب حرام وشئ قبيح جدا
      بس هو من وجهة نظره ومن تجربته شاف إن البنات مبيحبوش الصدق لأنه فى الغالب منافى لأحلامهم
      نورتنى

      حذف
  4. لا الصدق لا يعادله شيئ و لكن هذا الجزء فيه شبه كبير بين مصطفي و حد كنت أعرفه صحيح ؟؟ لعلك ترضي

    ردحذف
    الردود
    1. طب كويس إن خيالى يوافق الواقع :))
      شبهه فى إيه بقى ؟!!

      حذف
  5. صريح / صآدق / متوآضع

    ردحذف
    الردود
    1. لا تتسرعى فى الحكم على الناس ربما يكن عكس ما تقولين
      وعلى العموم ربنا يجعله عند حسن ظنك :)

      حذف