الجمعة، 18 أكتوبر، 2013

حكايات ( 8 )


أنا عارف إنك نفسك تختارى أسماء أولادك بمزاجك

بس هو لا بمزاجى ولا مزاجك !!

ده النبى - صلى الله عليه وسلم - قال : " أحب الأسماء إلى الله عبد الله وعبد الرحمن "

وأنا عارف مقدار حبك لربنا ولرسوله

وإستحالة تقدمى ما تحبى على ما يحب !!

فالموضوع خلصان 

لو أولاد يبقى عبد الله وعبد الرحمن

ولو بنات 

أنا نفسى فى حبيبة وحفصة وحنين 

حأبقى آخد رأيك فى أسماء البنات :)

أينعم رأيك ملوش أى لازمة :)))

بس عشان أنا راجل أؤمن بالحرية وتعدد الأراء 

حأسمع رأيك

وبرضه حبيبة وحفصة وحنين :))

هناك 4 تعليقات:

  1. ديمقراطية عالآخر :)
    عبد الرحمان اسم جميل للغاية وكذلك حنين :)

    ردحذف
    الردود
    1. حد جاب سيرة ديمقراطية؟!! :))
      وعلى العموم اعتبريها زى باقى الحريات فى عالمنا العربى
      قولوا اللى انتوا عايزينه واحنا حنعمل اللى فى دماغنا هههه
      نورتى

      حذف
  2. طب تسمع رأيها ليه بقى ؟ هههههههههههههه
    كل سنه وانت طيب

    ردحذف
    الردود
    1. وانت طيب يا محمد ربنا يخليك
      يا عم أنا بهرج مع زوجتى اللى لسة مشوفتهاش :)
      طبعا لازم أخد رأيها :))
      نورت

      حذف