السبت، 21 فبراير، 2015

ضوضاء العلاقات


فى مجتمعاتنا العربية نعانى من الصخب فى كل شئ
حتى فى علاقاتنا الشخصية
بل تحديداً فى علاقاتنا الشخصية
إذا ارتبطت بعلاقة
" بص فلان ماشى مع فلانة "
" فلانة بيحب فلان "
إذا تزوجت لابد أن تصنع عرساً يحضره كل من تعرفه ومن لا تعرفه !!!
وإن لم تفعل
" هو ده كان فرح ده ميتم "!!!
إذا كنت سعيداً فى علاقتك بزوجتك لن تجد إلا أعين حاسدة فى كل مكان
وإن كنت تعيساً لن تسلم من مصمصة الشفاة والتصعب على حالك وما ابتلاك به الزمن !!!
وإذا طلقت امرأتك كنت ظالماً لها
وهى صارت مطلقة
مثلها كالأرملة
سيئة الخلق إن فكرت فى الزواج
وحتى إن فكرت فلا يأتيها إلا سقط الرجال
مطلق وعنده عيال أو على المعاش وعايز واحدة تخدمه !!!
أما الرجل الحزين على فراق زوجته
وأراد أن يؤنس وحدته بزوجة تحمل عنه أعبائه اليومية
فهو زوج غير وفي و " مستعجل على إيه " !!!
لا نستطيع أن نحب فى صمت وألا يشعر بنا أحد
لا نستطيع أن نترك من يحب يحب ومن يكره يكره
لا نستطيع أن يترك المتزوجين والمرتبطين بعضهم قبل أن يكرهوا الطرف الأخر 
لابد أن يكن له الكره والحقد " ونفسه يولع بجاز " عشان يحدث طلاق
لما لا نسبق بخطوة 
فنترك بعضنا ونحن نتمنى الخير لبعض ونحترم ونقدر الأخر 
إن بقيت علاقاتنا على هذا الطريق فلا عجب ما وصلنا إليه من تخبط فى كل شئ 
حبوا فى صمت واكرهوا فى صمت 
ودعوا من يريد أن يحب أو يكره أن يعيش فى صمت 
كفاكم كلاماً وارحموا أنفسكم وغيركم من ضوضاء العلاقات .

هناك 4 تعليقات:

  1. استاذ محمد

    لقد اصبت كبد الحقيقه
    الله نيور كلميتن فى الجون والله لسه كنت باتكلم عن الناس اللى مش سايبه حد فى حاله لو حد شافنى مبتسمه يبقى فى حاجه فرحانه عشانها ومش عاوزه اقول لحد يا جماعه تبسمك فى جه اخيك صدقه لو عيونى بتلمع يبقى باحب جديد الله يكرم اصلكم الطيب يعونى تعبانه وحاطه فيها نقط عشان كده بتلمع وهكذا بقينا بنتدخل فى حياة كل الناس بشكل غبى وياريت كل واحد يهتم بحاله ونفسه وبلاش تبقى مهمتنا الاولى هى حياة الاخر

    تسلم حروفك يارب

    ردحذف
    الردود
    1. المشكلة كمان فى اللى بيفضح نفسه
      وحابب يعيش فى زيطة
      نورتى

      حذف
  2. على فكرة والله ومش مجاملة أسلوبك جميل ما شاء الله ولا قوة إلا بالله
    لغتك بسيطة وعفوية ومحببة
    والأهم أنك بتجيب م الآخر
    :)
    أنت برنس وربنا ؛ إن شاء الله أفضى بس كده وأقعد أتمزج في مدونتك ده بعد إذنك طبعاً
    :)
    خالص تحياتي وعميق احترامي وتقديري

    ردحذف
    الردود
    1. يا باشا دى شهادة أعتز بيها
      إحنا جنبك ولا حاجة
      ومستنيك دايما
      نورتنى

      حذف