الاثنين، 30 مارس، 2015

نصيحة لولبية


سألني أحد أصحابى كيف يفعل مع البنت اللي فرقعتله واديته الصابونة ؟ J

فأنتفخت أوداجى وجسلت جلسة الكاتب المصري القديم وتحدثت ككونفوشيوس:

-         اشتمها

   -       بتقول إيه ؟!!

-       اشتمها من وراها وقدام حد متعرفوش ولا يعرفها ، اشتمها بأقذر الشتايم دون أن تقع فى عرضها

-       إنت تعرف إن البنات بيقولوا على الشخص اللى يشتمهم بعد انتهاء العلاقة إنه مش راجل ؟

-      شيتمتك عمرها ما حتغير إنك راجل وإنها صرمة J

-          تفتكر لما اشتمها حرتاح ؟

-      لا أضمن لك أن ترتاح ولا أضمن لك أنك لن تأثم ولا أضمن لك أن تنساها ، فقط نفست عن بعض غضبك !!!

هناك 6 تعليقات:

  1. السلام عليكم
    ده اول بوست شوفته فى خواطر مسلم وتانى بوست قراته فى المدونة :)
    ومجملا أرى أن المدونة جميلة بارك الله لك فيها
    وإن شاء الله التواصل دائم

    بالنسبه لموضوع البوست
    صحبك بدل ميشتم ويطلع الكبت الى جواه
    لازم يعترف بحاجه
    الحب بيكون ملتهب لكن مع اول عريس للبنت بتنزل الميه علشان الإلتهاب يروح وتتعالج وتعيش كويس مع العريس الجديد . ولو مفيش عريس جديد بترضى بيه لانها مش لاقيه غيره ولكن بتحمله كتير وتقنعه بانها متيمه بيه وغالبا كله كلام.
    والولد مع اول رفض من أهله بيفك لانه مستحيل هيخسرهم علشانها وغالبا هو بيبقى عايز كده بس مستنى سبب علشان يقنع نفسه إنه برئ ومش هو السبب
    اما لو كان حب حقيقى والى قولته ده كله ملوش لازمة بينهم يبقى لازم يعرف إنه ملوش نصيب فى البنت دى
    لأن الزوجه رزق ومش هى رزقه الى ربنا كاتبه ليه
    تحياتى

    ردحذف
  2. تاني مرة ازوركم هنا
    استغرب مما اقراء في التدوينة هل المسلم ينصح بشتائم ؟؟
    تقبل مروري
    الشتائم مرات تكون متنفس لكن لما يسمعها المشتوم وابص في عنيه :)

    ردحذف
  3. السلام عليكم
    بعد التحية

    المسلم ليس معصوماً ولا هو بنبي
    فقد يخطيء
    يزل
    ينحرف
    واشياء اخرى
    وله ان يتوب عما فعل
    والله سبحانه وتعالى غافر الذنوب
    لكن ان ينصح غيره بفعل اثم
    فهذه ليست زلة
    بل هي جريمة مع سبق الاصرار والترصد
    هههه
    انا لست بشيخ ولا انا الخضر الشريف
    والله اعلم بالخفايا
    لكن
    باختيارك لاسم خواطر مسلم انت وضعت لنفسك بعض القيود
    وانا لا اطلب منك ان تجعلها خواطر ملاك
    لكن ايضا عليك الا تجعلها خواطر مرتضى منصور
    وفي النهاية انت حر طبعا
    وقد اكون مبالغاً في كلامي
    تقبل التحية


    ردحذف
  4. ههههههههههه
    لا لا لا
    انا مش مع النصيحه دى بالمره
    انا انصحه انه ينساها زى ماهى سابته خلاص هو يعيش حياته وينسى
    لكن هيشتم بقه ويقعد يفتكر اللى عملته فيه مفيش منه فايده ابدا
    وبعدين مش يمكن صديقك يستحق انها تسيبه؟
    خالص تقديرى

    ردحذف
  5. عندى حل
    لكى ينفث عن غضبه بدون أثم
    يكتب عفواً كل(الشتائم) التى يريد
    قولها على ورقة ثم يقطعها (الورقة طبعا☻)
    او يحرقها !!هكذا نفث عن نفسه بدون ارتكاب الذنوب ☻

    ردحذف
  6. Gamal Abu El-ezz30
    غير معرف
    mhsnm
    قمر وليل وغيوم
    norahaty mo
    حضراتكم متابعين لي حديثاً لذا لا تعرفوا طريقتى
    لذا إسمحوا لي أن أبينها
    المدونة نعم هي خواطر مسلم ولكنها خواطر حياتية
    نعم المسلم يشتم
    هناك مسلمون يشتمون
    لكنه ليس من أخلاق المسلمين أن تشتم :)
    هنا ممكن أن أتكلم صيغة المتلكم مع أن الحكاية لا تخصنى
    لكن ربما سمعتها أو قرأتها أو حدثت لأحد أعرفه
    ومن الممكن أن أتكلم بصيغة الغائب وهي تخصنى
    لا قاعدة محددة :)
    وهنا عبرت عن وجهة نظر البعض فى طريقة التعبير عن الغضب
    طبعا نصيحتكم فوق الرأس والعين
    وشرف لي متابعتكم
    شرفتوني والله :)

    ردحذف