الأربعاء، 8 أبريل، 2015

عروسة


حدثني أحدهم عن إحدي البنات ووصفها لي بحكم أنها أخت زوجته
فقال أنها متدينة وجميلة منتقبة حافظة لكتاب الله وتدرس فى كلية شرعية فى جامعة الأزهر
والدها إمام مسجد غير منتم لجماعة ييسر علي خطّاب بناته
صفات كثيرة تمنيتها فيكي
فترددت أن أفاتح أبي في الأمر !!!
لا أدرى كيف يجرؤ الشباب على مفاتحة أبائهم فى أمر الزواج
ولكن بعد مشاورات مع صديق لي قررت أن أكلمه
تملكني الخجل وقلت في صوت متقطع فى الهاتف

- أبي ممكن أقولك علي حاجة
- قول يا بابا
- بس ده مجرد أخد رأي مش فرض
- ما تقول يا ابنى
- دلوقتى فيه واحد جايبلي عروسة صفتها كيت وكيت وحضرتك عارف ظروف عملي وظروفي المالية فأنت تري أنه ينفع ولا ماينفعش ؟
- ماينفعش

صدمني بكلمته رغم أني أهلته لقولها، كنت أنتظر أن يقولها بطريقة أخري !!!
وبعدها بيومين

- إنت زعلان ولا إيه يا محمد ؟
- أزعل ليه بس، مفيش حاجة محتاجة زعل
- يا ابنى هو صنف وخلص
- أه يا أبي صنف وخلص، وإنك تلاقي حاجة منه دلوقتى صعب، بس علي العموم مفيش حاجة محتاجة زعل، ووعد مني لحضرتك مكلمكش فى موضوع الزواج ده تاني
- يا ابني والله أكتر من الهم علي القلب
- خلاص يا أبي والله ما فيه حاجة

كما تعلمين أني لست متعجل علي الزواج أبداً ، ولكن سماع أن أحدهم بصفاتك، يثير في نفسي الجنون أنك ستضيعي مني !!!
لو كنتي أنتي المذكورة فلا شك أنك لن تتزوجي غيري، فأنتي رزقي وأنا رزقك
فقط انتظري وأعدي نفسك كما أعد نفسي لك


هناك 12 تعليقًا:

  1. الرزق مقسوم نعم
    ولكن علينا بالسعى اليه!!

    ردحذف
    الردود
    1. نعم أسعي
      ولكني أعلم حدودي فلا أكلف نفسي فوق طاقتها
      نورتي

      حذف
  2. من اراد الزواج بصدق واستعد له بما يستطيع سهله الله له من حيث لا يدري
    توكل على الله

    ردحذف
    الردود
    1. نعم هذا واقع
      لكل أجل كتاب
      نورت

      حذف
  3. ان الله قد قسم لنا اقدارنا وحتي اذا كنا نري ان ما نريده الافضل الا ان اختيار الله لنا الأفضل دائما
    سيبها علي الله

    ردحذف
    الردود
    1. هو نحن بإيدنا شئ
      كله عليه سبحانه
      نورت

      حذف
  4. من المؤكد أن تؤمن بالنصيب ما دمت تؤمن بالرزق
    إذا كانت بهذه المواصفات فأعتقد إنك تاخد موافقه من والدك يعنى لو تيسر الأمر هو هيكون راضى عنها كزوجة لك او لا
    فإذا وجدته سيكون راضى ده قوانين المجتمع وإطلب من صدقيقك أن يتحدث إليها عنك فإن كانت موافقه فليشرح ظروفك لوالدها فإن رحب بك فخذ أهلك وأتم الزواج فلا داعى للإرتباط بقوانين المجتمع مادامت الزوجة سترضى بذلك وسيكون هناك تفاهم بين الطرفين
    فغذا إنتويت تأكد أن ما دامت نيتك خير فغن الله سيوفقك غليها فلا تنظر لوضعك المادى لعل الله يجعل بقدومها قدوم الخير والرزق الوفير فالزوجة رزق كما تعلم
    ربنا يوفقك للصالح ويجعلها من نصيبك

    ردحذف
    الردود
    1. هذا بالضبط ما قاله لي صديقى
      ولكن الأمر ليس فى المال فقط
      لذلك أنتظر حتى يحين الوقت
      وإن كانت هذه البنت أو غيرها مكتوبة لي فلن تذهب لغيري
      أحب أرائك وأنتظر دائما ردودك :)
      نورت

      حذف
  5. الحمد لله أن ربنا هداني وبصرني وخلاني خدت بالي من الجملة دي قبل ما أتهور وأعلق:
    "التسميات: حكايات ما أهواه فى ذكر أم عبد الله"
    :)


    ردحذف
    الردود
    1. يا باشا تعليقاتك المتهورة أنا بأحبها :)
      ماذا فهمت من التسميات ؟ وماذا كنت ستقول ؟
      عندي فضول أعرف :)

      حذف
  6. انا من رايى انك تمشى فى الموضوع ده وتوكل على الله
    متضيعش الفرصه دى
    وبعدين والدها هيسهل عليك الامور وكده يبقة كله هيبقى تمام
    بس انت حاول مره تانيه وتالته وعاشره

    ردحذف
    الردود
    1. يا ستي لو رزقي مش حتروح لغيري
      شوية كدة نخلص بعض الحاجات ونحاول تاني
      بيني وبينك أنا لسة مش مستعد نفسيا :)
      نورتي

      حذف