الأحد، 3 مايو، 2015

قفشات في المواصلات


من يركب المواصلات العامة يكتسب كثير من الخبرات الحياتية ، ويتعرض لمواقف وأحداث ويقابل أشخاص نادراً ما يقابلهم فى أماكن أخري ، وبالأخص القطارات؛ فالقطارات مجتمع متحرك ، فيه الطالب والموظف ورجل الأعمال والتاجر والجميلة والدميمة واللص والشيخ .

وكان مما أنعم الله عليّ أني أستقل القطار كل إسبوع مرة متجهاً إلي مسقط رأسي لأقضي يوم الأجازة بصحبة والديّ ، وفيه أصادف كل تلك الأنواع وأكثر، ولا تخلو أي مرة من مواقف وطرائف وأحياناً شجار أو نقاش حاد!!

ومقابلة كل تلك الأصناف من البشر بتوجهاتهم وآرائهم وخلفيتهم الدينية والعلمية والإجتماعية يعطيك صورة مصغرة من المجتمع الذي تعيش فيه، لذا أنصح دائماً من يعمل بالصحافة أو في فن الرواية أن يستقل المواصلات العامة، فلن يخرج بغير فائدة ، كتقرير عن موضوع معين أو حكاية تكون بذرة لرواية عظيمة .

وبدوري سأحاول نقل ما تيسر لي من مواقف في قسم خاص أسميته " قفشات فى المواصلات " ، لا أقصد به إهانة أحد أو تعدي علي أحد بقدر قصدي نقل واقع وقصة وحكاية قد تفيد أحد أو يخرج منها بعبرة وحكمة كما فعلت معي .

وأخر تلك المواقف ، بينما أستقل أحد الميكروباصات متجهاً إلي بيتي ، فإذا أحدهم بجواري يخرج هاتفه ويطلب رقماً ، وغير قاصد بسماع حديثه غير أن صوته العالي جعل كل من في السيارة يسمعه!! ، ودار الحوار كالتالي :

هو : مساء الفل يا برنسيسة 
هو : عايزة تتعشى إيه يا جمر - قمر يعني - ؟
هو : لأ قولي مش حتغرميني ؟
هو : والله لتقولي ، طلباتك أوامر ؟
هو : كبدة ؟!! ، وأنا أجيب منين كبدة دلوقتى ؟!! ، أنا حأجيب جبنة ولانشون 
هو : يلا عايزة حاجة تاني ؟!!
أنا : :)
لما أنت بتعمل اللي في دماغك بتسأل ليه ؟!!! :)

هناك 6 تعليقات:

  1. الراجل مش غلطان يجيبلها كبدة منين وهو فى الاتوبيس ههههههه
    بس طبعا مش مبرر إنه يعرف الدنيا كلها هو هياكل ايه
    فكره جميلة ومبروك القسم الجديد
    تحياتى

    ردحذف
  2. ☺☺☺
    دايما اقول
    الوعود سهلة
    المهم التنفيــــذ
    زى الأستاذ دا مثلاً

    ردحذف
  3. هههههههههههه دايما المصريين جمال فى احاديثهم الخاصه العامه على الملاء

    مساء الفل عليك .. راق لى ما طرحك والله وهتابع اكيد قفشات مواصلاتك الخاصه

    كل الود

    ردحذف
  4. ههههههههههههههه

    روعه ...


    تحياتى


    ........ز

    ردحذف
  5. هههههههههههع
    لا جميله
    وبجد الفكره جميله اوى اوى والعنوان كمان رائع
    وياريت كل فتره تكتبلنا.موقف من المواقف اللى بتقابلهت فى المواصلات
    وهيبقى بجد بوست دمه خفيف ولذيذ جدا جدا
    تحياتى اخى
    معلش انا بعتذر عن التأخير

    ردحذف
  6. Gamal Abu El-ezz
    norahaty mo
    Ebtesam Hoseen
    momken
    قمر وليل وغيوم
    ................................
    نورتوني والله
    وإن شاء الله أنقل مواقف كتير من المواصلات

    ردحذف