السبت، 11 يوليو، 2015

خد من أخوك


فيه ناس كتيييير

بيرفضوا ياخدوا من الناس اللى فى الشارع

أو اللى فى الإشارات

وتحس إن الأخ حيعيط عشان تاخد منه

كيس تمر ولا بلحتين

عايز يفطرك ويكسب ثواب

والتانى بقى

يا إما مابردش عليه خالص وكأنه بيشحت

يا إما يقوله مش محتاج

ما هو سيادتك عارف إنك مش محتاج

بس نفسه يفطرك وهو بيفرح بكدة جدا

خد من أخوك

بنية إدخال السرور على مسلم

وبنية إكسابه الثواب

صدقنى حتؤجر على ذلك 

الأربعاء، 8 يوليو، 2015

الفوائد اللولبية للإفطار على المائدة الرمضانية


عمل الخير فى رمضان لا حد له
يتسابق كثير من الناس لفعل الخيرات
وخاصة إطعام الطعام
اللى بيوزع أكل واللى بيوزع عصاير وفاكهة
واللى حالته ميسورة شوية بيعمل
مائدة الرحمن
اللى مش عارف بالمناسبة لييه إسمها مائدة الرحمن ؟!!!
ليه مش مائدة الكريم مثلا ؟!!!
وهل أصلاً نسب كلمة مائدة لإسم الله مشروع ؟!!!
المهم مش ده موضوعنا

سؤال
هل عمرك جربت تفطر على مائدة ؟!!
طول عمرك متعود تعمل مائدة وتوزع أكل
وتحس بالفقراء من جهة المانح
فهل جربت أن تكون مكان المحتاج ولو لمرة ؟!!!
شوف مائدة كدة فى الشارع بتاعك
يكون الناس فيه عرفاك
وتكون مكشوفة للناس كلها
وبص عن يمينك وشمالك
شوف حال الناس اللى قاعدة
المحتاج والمغترب والفقير الدقة 
واللى ظروفه حكمت 
يعملوا إيه دول فى غير رمضان ؟
شوف قد إيه هما شاعرين بذل الحاجة 
وقد إيه هما حاسين بنظر الناس اللى فى الشارع 
وبياخدو الأكل وعيونهم فيها كسرة 
رغم إن الراجل اللى عامل المائدة نفسه يخدمهم بعيونه 

طبعا مش كل الناس كدة 
لأنك برضه حتقابل المتسول اللى متعود طول السنة يشحت 
وأعتقد إن الفكرة دى غرض وحكمة مهمة من حكم الصيام 
إنك تشعر بالفقير بأن تضع نفسك مكانه 
لا أن تشعر به من برجك العالى 
فتكون نظرتك نظرة شفقة مجردة من الإحساس