الخميس، 28 يناير، 2016

تليفوني اتسرق :(


إن لله وإن إليه راجعون 
كل سنة بأفضل أروح معرض الكتاب فى الأخر 
قلت السنادي نغير ونروح بدرى
وبرضه كل سنة لو حضرتنى صلاة فى المعرض 
كنت بأصلي فى الأول على سجادة الناس حاطينها جنب الحمامات وباب الدخول 
إمبارح قلت أصلي فى المسجد 

خلعت الجاكيت وعلقته على الشماعة فوق راسي وبعدين شيلته وحطيته قدامى وأنا بصلي 
خلصت صلاة بأمد إيدي أطلع الموبايل 
لاقيته مش موجود :(
وطبعا دورت وسألت الشرطة ورنيت عليه 
غير متاح طبعا 

تصدقوا بالله أنا اتعكنن عليا وروحت بدل ما كنت عايز ألف وأشترى 
ومش حأقولكم زى ما الناس بتقول 
مش مهم الموبايل المهم الموقف 
لا طبعا الاتنين مهمين 
أولاً هو موقف زبالة ويحرق الدم 
ثانياً أخوكم مرتبه على قده شوية 
والموبايل كان بمرتب شهر على الرغم إنه مش غالى قوى 
وكمان لسة جايبه من شهرين 
وكنت فرحان إني شيلت موبايل سمارت وكدة 

وأكتر حاجة زعلتنى وخلتنى مانمش ليلة إمبارح 
إني حسيت إن ضياعه سببه تقصير مني 
لأنى كل لما أحب أتوضى بأشيله فى جيب البنطلون 
بس نسيت المرة دى عشان يضيع 

الحمد لله 
لعل ذلك عقوبة بذنب 

هناك 8 تعليقات:

  1. لعله خير أخى محمد
    فامر المؤمن كله خير
    ولا تعلم يمكن الى سرقه هيقع منه علشان حد فى مأزق ومحتاجه
    ربنا يعوضك خير أخى محمد

    ردحذف
  2. طب والله ماتزعل بقه
    :(
    :(
    تصدق ضايقتنى
    حطيت نفسى مكانك والله
    قدر الله وماشاء فعل
    تعرف يمكن ربنا ازاح عنك شر او ابتلاء اكبر من ده
    وحسبنا الله ونعم الوكيل فى اللى سرقه
    لازم تخلى بالك انت فى مصر
    عوضك على الله
    والله ماتزعل نفسك
    بكره ربنا يكرمك وتجيب موبايل احسن منه باذن الله
    روق بقه وابتسم

    ردحذف
    الردود
    1. صدقتى
      لعل الله دفع بذلك بلاءً أعظم
      وخلاص أنا اتعقدت بصراحة
      ماعنتش شارى موبايلات تانى
      معايا الموبايل أبو 100 جنيه ده
      ولو باظ حجيب واحد زيه
      عشان ميبقاش معايا حاجة فيها الطمع
      الحمد لله

      حذف
  3. لعله خير يا رب ..
    الله يعوضك بأحسن منه

    ردحذف
    الردود
    1. نعم لعله خير
      ربنا يكرمك
      نورتى

      حذف